Цэлебрацыя Імшы, як дзеянне Хрыста і іерархічна ўпарадкаванага народа Божага,- гэта цэнтр усяго хрысціянскага жыцця, як паўсюднага, так і мясцовага Касцела, а таксама асобных вернікаў. У Імшы дасягае сваёй вяршыні дзеянне Бога, якім Ён асвячае свет у Хрысце, і культ, у якім людзі пакланяюцца Айцу, ушаноўваючы Яго праз Хрыста, Сына Божага ў Духу Святым. Іншыя сакральныя дзеянні і ўсе справы хрысціянскага жыцця звязаныя з імшою, з яе выплываюць і да яе кіруюцца.

Паразважаем разам над асобнымі часткамі Імшы каб прыпомніць іх значэнне, мэту і спосаб перажывання.

25–26 верасня 2009 г. у нашай парафіі адбыліся рэкалекцыі на тэму «Рэальнасць і хрысціянства», якія праводзіў духоўны айцец Міждыяцэзіяльнай вышэйшай духоўнай семінарыі імя св. Тамаша Аквінскага ў Пінску а. Аркадзь Куляха OCD.

З пачаткам новага навучальнага года, традыцыйна распачынаюцца рэпетыцыі нашага моладзевага парафіяльнага хора GLORIA. Сардэчна запрашаем усіх, хто хацеў бы спяваць у хоры і гэтым больш актыўна прычыніцца да праслаўлення Бога падчас набажэнстваў, далучыцца да хора. Не абявязкова мець музычную адукацыю - галоўнае мець моцнае жаданне! Жадаючых просім звяртацца да арганістаў або ў закрыстыю.

31 мая, ва Урачыстасць Спаслання Духа Святога Мітрапаліт Мінска-Магілёўскі арцыбіскуп Тадэвуш Кандрусевіч удзяліў 97 хлопчыкам і дзяўчынкам першую святую Камунію. Напрацягу двух гадоў дзеці рыхтаваліся да гэтага моманту вывучаючы катэхізіс і прымаючы ўдзел у занятках рэлігіі, таму сённяшні дзень стаў асаблівым для дзетак і бацькоў. У белым адзенні, якое сымвалізуе чыстасць душы пасля першай у іх жыцці споведзі, дзеці пасля пакрапення святой вадой і бласлаўлення бацькоў урачыста ўвайшлі ў святыню. Слезы шчасця можна было бачыць на тварах бацькоў і родных у гэты момант.
Пасля Імшы дзяцей чакаў святочны пачастунак і віншавальная праграма.
Прапануем ФОТАРЭПАРТАЖ з урачыстасці.