Архікатэдральны касцёл Імя Найсвяцейшай Панны Марыі - Хроніка на Catholic.by

Хроніка на Catholic.by

[ 2006 | 2005 | 2004 | 2003 ]

21 мая 2006 г.

Першая святая Камунія ў архікатэдральным касцёле

21 мая 2006 г. у мінскай архікатэдры Імя Найсвяцейшай Панны Марыі Першую Камунію, якую прынялі 59 дзяцей, удзяліў дапаможны біскуп Мінска-Магілёўскай архідыяцэзіі Антоній Дзям’янка.

16 красавіка 2006 г.

Хрыстус уваскрос! Сапраўды ўваскрос! Аллелюя!

Шукаеце ўкрыжаванага Езуса з Назарэта, няма Яго тут, Ён уваскрос! (гл. Мк 16, 6)

15 красавіка 2006 г.

Вялікая субота і Пасхальная Вігілія

У ноч з суботы на нядзелю паводле найстаражытнейшай традыцыі адбываецца чуванне на ўшанаванне Пана. Вігілія гэтай ночы, якая з’яўляецца найважнейшай і найбольш значнай з усіх урачыстасцяў, уключае шмат прыгожых старадаўніх абрадаў.

14 красавіка 2006 г.

Вялікая пятніца Мукі Пана

У Вялікую пятніцу, калі святая Імша не цэлебруецца, ва ўсіх каталіцкіх святынях адбылося пакутнае набажэнства Мукі Пана. У мінскай архікатэдры вёў набажэнства дапаможны біскуп Мінска-Магілёўскай архідыяцэзіі Антоній Дзям’янка.

13 красавіка 2006 г.

Вялікі чацвер — дзень святароў

13 красавіка 2006 г., у Вялікі чацвер, распачалося святкаванне святога Пасхальнага Трыдуума — успаміну ў літургічных цэлебрацыях збавеннай таямніцы смерці і ўваскрасення Езуса Хрыста. Згодна са звычаем, у гэты дзень падчас спецыяльнай Імшы, якая цэлебруецца ў ранішнія гадзіны і называецца Імшою Хрызма, біскуп благаслаўляе алей хворых, алей катэхуменаў і асвячае алей-хрызма. У гэтай Імшы, якую біскуп канцэлебруе разам са святарамі дыяцэзіі, выяўляецца еднасць святароў са сваім біскупам.

13 красавіка 2006 г.

Імша Вячэры Пана

13 красавіка 2006 г., у Вялікі чацвер увечары ва ўсіх касцёлах цэлебравалася Імша Вячэры Пана. Сама назва паказвае, што ў гэтай літургічнай цэлебрацыі ўспамінаецца ўстанаўленне Сакрамэнту Эўхарыстыі і наказ Хрыста аб братняй любові, дадзены на Апошняй Вячэры.

8 красавіка 2006 г.

Чуванне памяці Яна Паўла ІІ

У ноч з 8 на 9 красавіка 2006 г., як гэта традыцыйна адбываецца ў вігілію Пальмовай нядзелі, у мінскім архікатэдральным касцёле Імя Найсвяцейшай Панны Марыі прайшло начное чуванне для моладзі з Мінска-Магілёўскай архідыяцэзіі.

2 лютага 2006 г.

Свята Ахвяравання Пана

2 лютага ў Каталіцкім Касцёле адзначаецца свята Ахвяравання Пана, якое традыцыйна называюць яшчэ святам Маці Божай Грамнічнай, або Грамніцамі. 2 лютага ва ўсіх касцёлах Беларусі прайшлі святочныя набажэнствы, якія ў гэты дзень распачаліся не зусім звычайна. У свята Ахвяравання Пана на пачатку святой Імшы паўсюль адбываліся працэсіі са свечкамі, падчас якіх спявалася песня Сімяона: «Цяпер па слову Твайму, Пане, адпускаеш слугу Твайго ў супакоі. Бо вочы мае ўбачылі Тваё збаўленне, якое Ты падрыхтаваў перад абліччам усіх народаў. Святло на асвятленне паганаў і славу народа Твайго, Ізраэля».

22 студзеня 2006 г.

Сакрамэнт канфірмацыі ў Мінску

У нядзелю 22 студзеня 2006 г. у мінскім архікатэдральным касцёле адбыўся сакрамэнт канфірмацыі (бежмавання). Яго ўдзяліў арцыбіскуп Мітрапаліт Мінска-Магілёўскі кардынал Казімір Свёнтэк падчас святой Імшы, якую ён сам цэлебраваў. У сваёй гаміліі іерарх беларускага Касцёла нагадаў усім удзельнікам урачыстай Імшы пра значэнне сакрамэнту канфірмацыі, які ў гэты дзень прынялі 55 вернікаў з розных парафій Мінска.

[ 2006 | 2005 | 2004 | 2003 ]

© Рымска-каталіцкая парафія архікатэдральнага касцёла
Імя Найсвяцейшай Панны Марыі, 2007-2010

на
пачатак
старонкі