24 сакавіка, познім вечарам у мінскай Архікатэдры Імя Найсвяцейшай Панны Марыі было шматлюдна – на велікапоснае чуванне сабралася моладзь з многіх парафій Беларусі. Тэма чування - “Мы за святасць”.

Жыццё – гэта найвялікшая каштоўнасць, найцудоўнейшы Божы дар. Разнастайнасць праяваў Жыцця бясконцая і кожная істота непаўторная па сваёй прыродзе.

21 лютага адзначаецца Папяльцовая серада, якая распачынае ў Каталіцкім Касцёле перыяд Вялікага посту. Адметным знакам гэтага дня з'яўляецца абрад пасыпання попелам, які замяняе чын пакаяння. Мы прызнаём, што грэшныя, просім у Бога прабачэння і выказваем шчырае імкненне навярнуцца. Мы выходзім на  дарогу аскезы, якая прывядзе нас да Пасхальнага Трыдуума — кульмінацыі літургічнага года. 
У сераду ў архікатэдральным касцёле  на святую Імшу сабралося шмат вернікаў, каб распачаць перыяд Вялікага посту знакам пакаяння.

Звычайна апошні чацвер перад пачаткам Вялікага посту называюць “тлустым”. І па звычаю кожны тлусты чацвер у Катэдры маюць мейсца запусты для моладзі з пачастункам ды музыкай. Гэтым разам прайшла вечарына у беларускай традыцыі, што было бачна і па стравах (кілбаса пальцам пханая, хрусты), і па ўбранню залі дольнага касцёла, упрыгожанай вышыванымі рушнікамі, і па чыста беларускіх строях многіх прысутных.

У нядзелю, 4 лютага 2007 года , парафіяне архікатэдральнага касцёла выказвалі сваю ўдзячнасць і развітваліся з ксяндзом Уладзіславам Лазарам, які працаваў у нашай парафіі на працягу больш чым трох гадоў. Святую Імшу а 13 гадзіне цэлебраваў ксёндз Уладзіслаў, пасля якой кс. пробашч Антоні Клімантовіч аб’явіў прысутным пра атрыманне дэкрэту ад кс. біскупа, згодна з якім кс. Уладзіслаў пераводзіцца ў якасці адміністратара ў горад Мар'іна Горка.

У нядзелю 14 студзеня 2007 г. у мінскім архікатэдральным касцёле адбыўся сакрамэнт канфірмацыі. Яго ўдзяліў Апостальскі Адміністратар Мінска-Магілёўскай архідыяцэзіі біскуп Антоній Дзям’янка.

Вечарам, у суботу, 13 студзеня 2007 г. у парафіі, адбыўся канцэрт хора “Гасанна”  з катэдральнай парафіі св. Барбары  з Віцебску і ансамбля Віцебскай абласной філармоніі.

У нядзелю 10 снежня 2006 года, першы раз пры адноўленным алтары,  адбылося пасвячэнне ў дыяканы двух клерыкаў Міждыяцэзіяльнай Вышэйшай Духоўнай Семінарыі імя св. Тамаша Аквінскага ў Пінску:  Аляксандра Вітко з Мінска і Дзмітрыя Чупрына з Маладзечна. Удзяленне пасвячэння і цэлебрацыю святой Імшы  ўзначаліў Апостальскі Адміністратар Мінска-Магілёўскі ксёндз-біскуп Антоній Дзям’янка.