14 кастрычніка Святой Імшой  а 10-й гадзіне ў нашай парафіі  распачаліся парафіяльныя місіі, да якіх рыхтаваліся на працягу года. На пачатку Імшы пад гукі гімну да Духа Святога Veni Creator Spiritus ксёндз – пробашч Антоні Клімантовіч урачыста, з рэліквіямі, увёў місіянераў айца Бернарда і айца Аркадзя ў святыню.

Святыя місіі — гэта заўсёды час Божай ласкі, час, калі Хрыстус уваходзіць у нашыя дамы, кватэры, у нашыя сэрцы. Таму хачу запрасіць вас усіх прыняць актыўны ўдзел у парафіяльных місіях.

У суботу, 29 верасня 2007 года, а 12 гадзіне Апостальскі Адміністратар Мінска-Магілёўскі біскуп Антоній Дзям’янка ўдзяліў пасвячэнні прэзбітэрату першым выпускнікам Вышэйшай междыяцэзіяльнай духоўнай семінарыі ў Пінску, дыяканам Аляксандру Вітко з Мінска і Дзмітрыю Чупрыну з Маладзечна.

У сераду, 26 верасня 2007 года, першую пасля прызначэння, святую Імшу ў архікатэдры цэлебраваў арцыбіскуп Мітрапаліт Мінска-Магілёўскі Тадэвуш Кандрусевіч. Разам з ім  маліліся Апостальскі Адміністратар біскуп Антоній Дзям'янка, Генеральны вікарый архідыяцэзіі кс. прэлат Эдмунд Даўгіловіч-Навіцкі, канцлер Мінска-Магілёўскай мітрапалітальнай курыі кс. Юрый Касабуцкі, пробашч архікатэдры кс. Антоні Клімантовіч і іншыя святары з Мінска.

Парафіяльныя місіі 14-21 кастрычніка 2007 г.
Ужо зараз прапануем азнаёміцца з планам парафіяльных місій:

Распачаўся новы навучальны год для школьнай і студэнтскай моладзі. Таму ў нашым касцёле распачынаюцца традыцыйныя спатканні студэнтскай моладзі, якія будуць праходзіць у чацвер пасля святой Імшы а 18:30. З гэтай нагоды на нашым сайце створаны новы падраздзел "Моладзевыя спатканні".

З 1 жніўня распачынаецца духоўная падрыхтоўка да парафіяльных місій, якія распачнуцца 14 кастрычніка гэтага года і закончацца 21 кастрычніка ў 10 гадавіну рэкансэкрацыі нашага касцёла. Гэтая падрыхтоўка будзе заключацца ў няспыннай малітве вернікаў на працягу трох месяцаў. Кожны жадаючы ў сакрыстыі можа атрымаць картку з вызначаным часам паўгадзіннай малітвы ў адной з інтэнцый, адзін раз у тыдзень на працягу трох месяцаў.

Малітоўныя інтэнцыі наступныя:

• Малітва аб паяднанні і навяртанні
• Малітва за хворых і церпячых
• Малітва аб аднаўленні парафіі
• Малітва аб вызваленні ад залежнасцей
• Малітва аб навяртанні грэшнікаў
• Малітва аб пакліканнях
• Малітва за дзяцей і моладзь

 Сардэчна запрашаем усіх прыняць удзел у гэтым няспынным малітоўным чуванні.

14 чэрвеня, а 19-й гадзіне ў нашым архікатэдральным касцёле Імя Найсвяцейшай Панны Марыі, пад гукі гімну "Veni Creator Spiritus", распачалася ўрачыстая святая Імша з нагоды пачатку працы 35-й сустрэчы Генеральных сакратароў канферэнцый каталіцкіх біскупаў Еўропы, якая будзе праходзіць з 14 па 18 чэрвеня ў Мінску.