Напярэдадні Папяльцовай серады, якая распачынае  Вялікі пост, моладзь з нашай парафіі вырашыла арганізаваць Запусты. Для гэтага чацвёртага лютага пасля вячэрняй Святой імшы усе жадаючыя былі запрошаны на традыцыйную сумесную малітву моладзі, падчас якой вернікі маліліся каронкай да Божай Міласэрнасці, якая дала магчымасць яшчэ раз задумацца над нашым паўсядзённым жыццём. Пасля малітвы, ў дольным касцёле было арганізавана выступленне моладзевага хрысціянскага гурта “Небасхіл” з парафіі Святога Яна Хрысціцеля (Серабранка).

У мінулыя выхадныя дні, 25-27 студзеня ў архікатэдральным Касцёле Імя Найсвяцейшай Марыі Панны сабраліся сем’і Хатняга Касцёла, каб у малітоўным суцішэнні паразважаць аб сваім сужэнскім пакліканні. Сустрэліся ў братняй любові дзеля таго, каб паслухаць словы Пана аб праўдзе хрысціянскага жыцця на той дарозе, якую выбралі – роўныя сярод роўных. Тыя, хто слухае і выконвае Слова Пана – кожны па-сваіх сілах і магчымасцях – вучымся быць братамі і сёстрамі. Гэтаму нас навучаў малады святар нашай Айчыны Юрый Санько. Нас было пятнаццаць сем’яў, але выдавалася, што мы ўсе, хто прыналежыць да Супольнасці, у гэтыя дні былі разам, бо ўспаміналі перажытае, будавалі планы на будучыню, дзяліліся навінамі, радаваліся добрым звесткам і перажывалі няўдачы. Дзякуем Езусу Хрысту за гэты час Божай Ласкі.

 Адказная пара Мінска-Магілёўскай дыяцэзіі 
 Аляксей і Стася Каралевіч.