У субботу, 25 лістапада 2006 г. у мінскім архікатэдральным касцёле Імя Найсвяцейшай Панны Марыі па ініцыятыве Канферэнцыі Каталіцкіх Біскупаў у Беларусі адбыўся сімпозіум «Ян Павел ІІ — чалавек веры і культуры». У сімпозіуме прымалі ўдзел усе  біскупы Беларусі, прадстаўнікі духавенства, супольнасцяў кансэкраванага жыцця, свецкія асобы з Беларусі і з-за мяжы. Ганаровым госцем сімпозіума стаў Прэфект Кангрэгацыі каталіцкай адукацыі Зянон Грахалеўскі — шматгадовы супрацоўнік і паплечнік Вялікага Папы.